Ақтөбелік қыздар жеңіспен оралды

Жуырда Сербияда өткен бокстан "Ұлттар Кубогы" халықаралық турнирінің чемпионы атанған ақтөбелік спортшы қыз Ксения Древал өзінің мықтылығын тағы бір мәрте дәлелдеді, деп хабарлайды City04.kz.

Ақтөбе облысының дене шынықтыру және спорт басқармасының хабарлауынша, Түркістан облысында бокстан қыздар арасында Қазақстан Республикасының чемпионаты бастау алған болатын. Аталған чемпионатта өңірдің спортшы қыздары Ксения Древал +80 келі салмақта чемпиондық атаққа және 80 келі салмақта Назерке Қуанышқалиева, сондай-ақ, 75 келі салмақта Дильназ Иманғазиева қола жүлдеге ие болды. Жүлдегерлерді дайындаған бапкер ҚР Еңбек сіңірген жаттықтырушысы Алимбек Балмағамбетов.