Мейрамбек Махамбетов Ақтөбе облысының жауынгерлік өнер ассоциациясының президенті болып тағайындалды

 «Достық» су спорты түрлері бойынша ОБЖСМ базасында жауынгерлік өнер ассоциациясының Ақтөбе облысы бойынша басшысын ресми таныстыру жиыны өтті6 деп хабарлайды City04.kz.  

Жиынға Қазақстанның жауынгерлік өнер ассоциациясының бас директоры Абат Имамбаев, республикалық Біріккен аралас жекпе-жек ММА федерациялар қауымдастығының бас директоры Валихан Тен және облыстың олимпиадалық емес спорт түрлері бойынша федерациялардың басшылары қатысты.

Отырыс барысында Қазақстанның жауынгерлік өнер ассоциациясының бас директоры Абат Имамбаев Ақтөбе облысының дене шынықтыру және спорт басқармасының басшысы Мейрамбек Махамбетовті аталған ассоциациясының Ақтөбе облысы бойынша президенті деп таныстырды.

Мейрамбек Махамбетов өз сөз кезегінде сенім білдірген Қазақстанның жауынгерлік өнер ассоциациясының президенті Кәрім Мәсімовке ерекше алғысын білдіріп, нәтижелі жұмыс көрсететін жеткізді.

Әрі қарай жиында аймақтағы олимпиадалық емес спорт түрлерінің даму барысы айтылып, бірнеше мәселелер козғалды. Осы орайда, республикалық Біріккен аралас жекпе-жек ММА федерациялар қауымдастығының бас директоры Валихан Тен облыс спортшыларының жетістіктерін және Әлем және Азия чемпиондары Ақтөбе облысынан көптеп шығып отырғандығын айрықша атап өтті.

Айта кетейік, 2018 жылдың 26-қараша күніАстанада Мәдениет және Спорт министрі Арыстанбек Мұхамедиұлының төарағалығымен өткен жиында Олимпиада ойындарына кірмейтін спорт түрлері бойынша аккредитациядан өткен спорттық Федерациялар жаңадан құрылған жауынгерлік өнер ассоциациясының қарамағында болады деп шешілді. Сондай-ақ, Қазақстанның жауынгерлік өнер ассоциациясының президенті болып Кәрім Мәсімов тағайындалған болатын.