Ақтөбеде көрісу күніне арналған шара өтеді

14 наурыз күні, сағат  11:00-де қалалық мәдениет Үйінде қалалық «Мәдениет және тілдерді дамыту бөлімі» ММ- нің ұйымдастыруымен «Амал келді, жыл келді!» атты көрісу күніне арналған мәдени шара өтеді, деп хабарлайды City04.kz. 

Аталмыш шарада қаймағы бұзылмаған қазақы дәстүрдің ұлт үшін маңызды тұстары сахналық қойылымдар арқылы көрсетіліп халық әндері орындалады. Тыңдарманға жақсы көңіл күй сыйлай білетін шарада, ата-дәстүріміздегі салттардың халық үшін маңызды екендігін тағы бір мәрте біздің жастарымыз дәлелдемекші.

Мақсаты:

Түп қазығы дәстүрі саналатын халықтың күре тамырын одан әрі нәрлендіріп, рухани жан дүниесін бай мұралармен сусындату. Сондай-ақ, ұлттық дәстүріміздің кенжелеп қалған тұсын қайта жаңғыртып, «Көрісу» мерекесінің ұлтымыз үшін маңызды мерекелердің бірі екендігін тыңдарман қауымға жеткізе білу.