Облыс әкімі жамағатты ораза айт мерекесімен құттықтады

Облыс әкімі жамағатты ораза айт мерекесімен құттықтады

Сәрсенбі күні облыс әкімі Оңдасын Оразалин Ақтөбе қаласындағы орталық "Нұр Ғасыр" мешітіне жиналған мұсылман қауымды қасиетті Ораза айт мерекесімен құттықтап барды, деп хабарлайды Сity04.kz.

Айт намазына қатысып, аймақ жұртшылығына жылы лебізін жеткізді.

- Рамазан айы – құлшылық пен сабыр, мейірім мен қайырымдылық айы. Ал, оразадан соң үш күн тойланатын айт мейрамы – адамдардың көңіліне көктем сыйлап, жанын жадырататын ұлық мереке екендігі баршаңызға мәлім.

Осы орайда, барша мұсылман қауымын ең қасиетті де ұлық мереке – Ораза айт мейрамымен шын жүректен құттықтаймын!

Еңбектеген сәбиден еңкейген кәріге дейін барша мұсылман шат-шадыман қуанышқа бөленетін бұл мейрам Ақтөбе жұртшылығына да құт-береке, ынтымақ, ырыс әкелсін!

Бұл күні әр үйде сәні мен салтанаты ерекше мерекелік дастархан жайылады. Мұсылмандар туған-туыс, дос-жаран, көрші-қолаңды аралап, бір-бірінің үйінен дәм-тұз татып, мәре-сәре болады. 30 күн оразада халқымыз ыждаһаттылықпен ауыз бекітті.

Мешіттерімізде ауызашарлар мен қайырымдылық іс-шаралар ұйымдастырылып, тұрмыс жағдайы төмен отбасыларына көмек көрсетілді.

Осы ретте барлығыңызға Алла разы болсын дегім келеді.

Баршаңызды, тағы да Ораза айт мейрамымен құттықтаймын.Еліміз аман, жұртымыз тыныш болсын, - деді Оңдасын Сейілұлы.

Облыс әкімі жамағатты ораза айт мерекесімен құттықтады, фото-1 Облыс әкімі жамағатты ораза айт мерекесімен құттықтады, фото-2

Бұл күні ғибадат орны маңына келушілер бауырсақтан ауыз тиіп, көжеден дәм татты.

Облыс әкімі жамағатты ораза айт мерекесімен құттықтады, фото-3 Облыс әкімі жамағатты ораза айт мерекесімен құттықтады, фото-4

Оған қоса, қазақша күрес, асық ату, тоғызқұмалақ және т.б. ұлттық ойын түрлері ұйымдастырылды.

Облыс әкімі жамағатты ораза айт мерекесімен құттықтады, фото-5 Облыс әкімі жамағатты ораза айт мерекесімен құттықтады, фото-6

Сондай ақ, мешітке келушілер арасында қой көтеруден сайыс өткізілді. Барлық жеңімпаздарға құнды сыйлықтар таратылды.

Сity04.kz
ОРАЗА АЙТ АҚТӨБЕ ОБЛЫСЫ АҚТӨБЕ ЖАҢАЛЫҚТАРЫ
Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции
Комментарии