Ақтөбеде жасыл желекті суарудың жаңа әдісі жүзеге асуда

Ақтөбеде жасыл желекті суарудың жаңа әдісі жүзеге асуда

Облыс әкімі Оңдасын Оразалин сәрсенбі, 19- маусым күні жоспардан тыс Ақтөбе қаласында атқарылып жатқан бірнеше жұмыстармен танысты, деп хабарлайды Сity04.kz.

 Облыс басшысы алдымен Бөкенбай батыр көшесіндегі ағаштарды және көгалдарды суару жұмыстары бойынша жүзеге асырылған жаңа жобаны көрді.

 Суару жұмысын қолға алған «КХ Эльмира» мердігер мекемесі Израиль елінен жеткізілген жаңа технология арқылы ағаштар мен гүлзарларды тамшылатып суару әдісіне көшкен.

Ақтөбеде жасыл желекті суарудың жаңа әдісі жүзеге асуда, фото-1 Ақтөбеде жасыл желекті суарудың жаңа әдісі жүзеге асуда, фото-2 Ақтөбеде жасыл желекті суарудың жаңа әдісі жүзеге асуда, фото-3

 Мамандар Ақтөбе қаласы бойынша алғаш рет жүзеге асып отырған бұл әдістің артықшылығы көп екенін айтады 70 метр тереңдікке орнатылған насос автоматты түрде ағаштар мен көгалды шөптерді , уақытылы әрі бірқалыпта сумен қамтиды.

Су тасығыш көліктермен суарғаннан гөрі, осы тәсіл арқылы тамшылатып суару тиімдірек дейді мамандар.

Ақтөбеде жасыл желекті суарудың жаңа әдісі жүзеге асуда, фото-4 Ақтөбеде жасыл желекті суарудың жаңа әдісі жүзеге асуда, фото-5

Техника күніне 100 текше метр су шығаруға қуатты.

Ақтөбеде алдағы уақытта ағаш суару мен көгалды ылғалдандыру бойынша 8 жобаны жүзеге асыру жоспарланып отыр.

Аймақ басшысы жаңа тәсіл үнемді әрі пайдалы болса, әрі қарай да жұмысты жандандыру қажеттігін айтты.

-Ағаштарды еккенмен оларды уақытылы күтіп-баптауды ұмыт қалдырып жатсыздар. Бұл бір жағынан үлкен шығынға ұшыратса, екінші жағынан тұрғындардың наразылығын тудырады. Сондықтан суару әдісі осылай шешімін тауып жатса, бұл жұмыс жалғасын табу қажет,-деді облыс басшысы.

Сонымен қатар,Оңдасын Оразалин Сазды өзені арнасын кеңейту және бекіту жұмыстарымен танысты. Өңір басшысы қала әкіміне жұмысты сапалы әрі уақытылы жүргізуді тапсырды.

ОРАЗАЛИН ОНДАСЫН АКИМ ОБЛАСТИ АКТОБЕ НОВОСТИ АКТОБЕ деревья актобе дыши Актобе
Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции
Комментарии