Ақтөбеде «Игі іс жасауға асық» акциясы басталды

Игі іс жасап, үлгі болған жастар марапатталады, деп хабарлайды City04.kz.

Волонтер жылына орай, Ақтөбе қаласында ерктілер арасында акция жарияланды. Шараның шартына сәйкес, жасалған игі істі суретке және 2 минуттық бейнебаянға түсіріп, қысқаша ақпарат жазып, [email protected] поштасына жолдауы керек.

«Аталған акция мақсаты – жастарды волонтерлық жұмыстарға кеңінен тарту, қайырымдылықты үлгі ету. Ең белсенді жастар марапатталады», - дейді Ақтөбе қалалық жастар ресурстық орталығының басшысы Жандос Табылғанов.

Науқан 15 наурызға дейін жалғасады.