• Главная
  • Назарбаев Зияткерлік Мектебінің мұғалімі математика сайтын жасап шығарды
09:31, 6 февраля 2020 г.
Надежный источник

Назарбаев Зияткерлік Мектебінің мұғалімі математика сайтын жасап шығарды

 Назарбаев Зияткерлік Мектебінің мұғалімі математика сайтын жасап шығарды

Қызылордадағы Назарбаев Зияткерлік мектебінің мұғалімі қазақ тілді математика сайтын жасап шығарды, деп хабарлайды City04.kz.

Математикалық сайттың Қазнетте танымалдылығы артуда. Бір айдың ішінде жүйеге 23 000 белсенді қолданушы тіркеліп, олар контент мазмұны мен қолжетімділігіне жоғары баға беруде.

Ұстаздың сайт құру идеясы екі жыл бұрын пайда болған екен. Қазақ тіліндегі материалдардың жетіспеушілігін байқаған Мұхтар математика бойынша оқулықтардың электронды нұсқаларын бір веб-параққа жинақтауды қолға алған. Алдымен 600-ден астам кітап, видео-оқулықтар, ғылыми мақалалар және тақырыптық теориялық материалдар жүктеген. Кейін әріптестерінің кеңесі бойынша онлайн-платформаны түрлі ресурстармен және құралдармен толықтырып отырған.

– Мен сайтты 2018 жылы бастап оны «NISmath» деп атадым. Өткен жылғы түлек Арман Әлішер сайт логотипін жасауға көмектесті. Тағы бір оқушы Нұрбол Бижігіт оның мобильді нұсқасын әзірледі», – деді Мұхтар.

Оқырмандар мен сайт пайдаланушылар географиясы күн сайын артып келеді. Алғашқы жылдары платформаны 1000-ға жуық адам қолданса, биыл бір ғана айдың ішінде жүйе 23000 белсенді қолданушыны тіркеп үлгерген.

– Сайт өте қолжетімді және заманауи білім беру бағдарламасына бейімделген. Барлық ресурстар тегін, бұл пайдаланушылар үшін өте маңызды. Мен өз тәжірибемде оқулықтарды, тапсырмаларды жиі қолданамын. Сабақтарда сайттың қосалқы қосымшаларын пайдаланамын», –деді Жазира Балаби, Түркістан облысындағы ауыл мектебінің мұғалімі.

Бүгінде «NISmath» көмегіне еліміздің педагогтары мен оқушылары жүгініп отыр.

Мұхтардың бұл авторлық жобасын пайдаланушылар ғана емес, сонымен қатар мұғалімдер арасында өткізілетін дәстүрлі республикалық білім сайысының сарапшылары да жоғары бағалаған. Педагогикалық идеялар фестивалінің «Шеберлік палитрасы» бөлімінде «nismath.org» интернет-платформасы әріптестердің үлкен қызығушылығын тудырып, ал жобаны қорғаған кезде қатысушылардың 100 пайызы платформаның белсенді қолданушылары болып шықты. Байқау нәтижесінде М.Бегайдаровтың математикалық сайты таратуға және тәжірибеде қолдануға лайықты үздік идея деп танылды.

Айта кету керек, 2019 жылғы қорытынды аттестаттаудың нәтижелері бойынша Мұхтар Бегайдаров шәкірттері математика пәні бойынша жоғары балл жинап, жиырма Зияткерлік мектеп арасында бірінші орыннан көрінді.

Сонымен қатар, Мұхтар Бегайдаров – бос уақытында өз бастамасы бойынша мектеп оқушылары мен мұғалімдерге жаңа білімді меңгеруге және математиканы бағындыруға көмектесетін Сыр өңіріндегі ең танымал еріктілердің бірі.

Білім беру жүйесін дамытуға қосқан үлесі мен педагогикалық қызметтегі шығармашылық жетістіктері үшін Мұхтар Білім және ғылым министрінің Алғыс хатымен де марапатталған.

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции
#ақтөбе жаңалықтары #новости актобе #актобе жаналыктар #НИШ #ұстаз #математикалық сайт #NISmath #Мұхтар Бегайдаров

Комментарии

Объявления
live comments feed...